"Буллингтің, кибербуллингтің, аутодеструктивті мінез-құлықтың алдын алу жолдары"

2023 жылдың наурыз айының 2 күні Қарабұлақ орта мектебінде "Буллингтің, кибербуллингтің, аутодеструктивті мінез-құлықтың алдын алу жолдары" тақырыбында 8-11 сыныптар аралығында конференция өткізілді. Конференцияны ұйымдастырушылар мектеп психологтары Лебедева И.Ю, Жумагулова М.О. Конференцияға оқушыларға ақпарат беру мақсатында аудан прокуратурасының прокуроры Билибеков Нұрлан Айдарбекұлы, Ескелді АПБ – нің ЖПҚБ –нің инспекторы полиция капитаны   - Исанов Медет Саматович, АПБ – нің ЖПҚБ –нің инспекторы полиция капитаны Бауыржанұлы Ернұр, аудандық орталық ауруханасының нарколог - дәрігері  Сулейменова Кенже Оспановна, білім бөлімінің әдістемелік кабинетінің әдіскері Занигинова Дана Кеңесовна шақыртылды. Конференция барысында оқушыларға буллингтің алдын алу мақсатында бейнежазба көрсетіліп, оқушылардың пікірі сұралды. Прокуратура қызметкері, АПБ-нің қызметкерлері баланың қауіпсіздігін сақтау, кешкі уақытта ата-анасының намасе заңды өкілінің қарауынсыз жүрмеу жайлы, зиянды заттарды қолданбауды, оның ішінде нашақорлық, темекі, электрондық шылым, алкогольдік сусындарды қолданбау жайлы ақпараттар ұсынды. Сонымен қатар баптармен таныстырып өтті.  Дәрігерлер баланың өміріне қауіпті синтетикалық заттарды қолданбау, энергетикалық сусындар, темекі мен нашаның зияны жайлы бейнежазба ұсынып, ақпарат берілді. Жеке бас тазалығын сақтау өте маңызды екенін түсіндірді. Мектеп психологтары мектептегі, сырттағы буллинг, кибербуллингті болдырмау жолдарымен таныстырып, конференция соңында "Буллингке жол жоқ" жаднамасын оқушыларға толтыртты. Осындай әрекеттердің салдары аутодеструктивті мінез-құлыққа алып келетінін оқушылар толықтай түсінді.