17
сентябрь
2020
«OnlineMektep – BilimLand» платформасында синхронды сабақ өткізуді ұйымдастыру» атты оқыту вебинарын өткізілді
17 қыркүйек күні Қарабұлақ орта мектебі жетекші мектеп ретінде серіктес мектептер - Балпық би атындағы орта мектеп және Мичурин атындағы негізгі орта мектептерімен «OnlineMektep – BilimLand» платформасында синхронды сабақ өткізуді ұйымдастыру» атты оқыту вебинарын өткізді. Вебинарға 24 мұғалім қатысты. Қарабұлақ орта мектебінің қазақ тілі мен әдебиеті пәні мұғалімі, тренер Калиолданова Айнұр Сағатайқызы OnlineMektep мүмкіншіліктері, оның ішінде бейнеконференция қосымшасында оқушылармен синхронды сабақты қалай өткізуге болатындығы туралы слайд арқылы көрсетіп, өз іс-тәжірибесімен бөлісті. Екі мектептің мұғалімдері «OnlineMektep платформасын қолданып жатқандығын, ендігі кезекте синхронды түрде мүмкіндігінше сабақ өткізетіндіктерін айта кетті. Серіктес мектептеріміздің ұстаздары Айнұр Сағатайқызы мен «Сенім» жетекші мектеп модераторы Р.Махамбетоваға алғыстарын білдірді. Алдағы уақытта да осылай тығыз байланыста болып, мектептер өзара іс-тәжірибелерімен бөлісетіндіктерін айтты.