Ата-аналарға психологиялық кеңес

Ата-аналарға психологиялық кеңес. Қазіргі заманда баланы түсінгіңіз келсе дұрыстап сөйлесіңіз. Дұрыс сөйлесуге тура келеді. Мектепке оқушы келеді, психологтың бақылауы бойынша көңіл-күйі болмайды.  Баланың жанын емдеуге келгенде міндетті түрде ата-анасына деген қарым-қатынасы, ата-анасына деген өкпесі, тіл табыса алмауы, бала ретінде жылу көрмеуі,  шамадан тыс қысым анықталады. Барлығында емес әрине, бірақ сондай отбасылар анықталып жатыр. Яғни, баланың жолы болмауы, сыныптағы қарым-қатынасы, мұғаліммен қарым-қатынасы барысындағы көңіл-күйінің болмауы барлығы тікелей отбасынан келеді. Сонымен қатар отбасында қандай да бір жағдай орын алса, міндетті түрде кінәлілерді іздейді. Кім кінәлі болады? Әрине, мектеп,  әрине, мектеп психологы. Мектеп психологы ең алдымен жағдайды анықтайды,  бірақ,  соңында өзі кінәлі болады. Мектеп психологы міндетті түрде ШҰҒЫЛ ТҮРДЕ, әрекет етеді, барлығына хабарласады, барлық жағдайды біледі, өзіне тіркейді, жұмыс жасайды, баланың құжаттарымен толық танысады. Қандай да бір жағдайлар орын алса, бірақ, сол барлығын зерттеген, жұмыс жасаған психолог кінәлі болады. Қандай қызық. Отбасы қайда, ата-анасы қайда, кінәлі адамдар қайда қалды. Осындай жағдайлар үнемі болып тұрады. Бірақ баламен сөйлесетін ана, ақыл айтатын әке болмай тұр. Сол себепті де барлық әкелерге, аналарға айтарым, БАЛА ЖАНЫН ТҮСІНУГЕ ТЫРЫСЫҢЫЗШЫ. Кешке дейін мыжып айта бергенше, іспен көрсетіңіз. Бірге жасаңыз ."Айтпа-көрсет, үндеме-үйрет" деген ережемен жүрген дұрыс.  Көп әкелермен сөйлескен кезде, бұрын мені ұрып-соғып тәрбиелеген. Мен махаббат бере алмаймын дей салады. Бұл деген жауапкершіліктен қашу деп аталады. 🤔Әйтеуір бұрынғы ата-анасына жаба салып, отыра беру деген сөз. Балаға махаббат беру ата-ананың міндеті. Еркелетіңіз, құшақтаңыз,жылы сөз айтыңыз. Соншама жылы сөз айту жалко 🙄ма не?! "Қатал бол-бірақ қатыгез болма!" деген сөз бар. Орнымен ұрсыңыз, біреумен ренжісіп, бүкіл өшіңізді баладан алу деген - орынсыз ашулану деп аталады. Екеуі екі түрлі ұғым. Балаға қатігездік берсеңіз, қартайған шағыңызда ол сізге қатігез болады. Балаға өз ойын ашық айтуға мүмкіндік жасаңыз."Балаға бір рет көңіл бөліп, тәрбие беру-бір сағат көлемінде садақа беруден де жақсы " деген екен. Балаға көңіл бөлейік! 🤗